Жанат Хаджиев атындағы ІІ Халықаралық театр фестивалі
Ағымдағы 2019 жылдың 15-19 қазан аралығында, Шығыс Қазақстан облысы мәдениет, архивтер және құжаттама басқармасының, облыстық драма театры ұжымы, Қазақстанның еңбек сіңірген қайраткері, «Тарлан» сыйлығының лауреаты, белгілі режиссер Жанат Хаджиев атындағы ІІ Халықаралық театр фестиваліне Б.Мұқаевтың «Сергелдең болған серілер» комедиясымен қатысып арнайы дипломмен марапатталды.
Аталған фестивальде Қырғызстан, Өзбекстан, Тәжікстан және Қазақстанның ең таңдаулы деген бес театры өнер көрсеткен байқаудан үлкен тәжірибемен оралды. Қазақстанның және Ресейдің белгілі сыншылары, қойылымдарға түрлі дәрежеде баға беріп, «Сын түзелмей, мін түзелмейтінін» атап өтті. Жалпы театр ұжымы маусым басталысымен екі бірдей Республикалық және Халықаралық дәрежедегі байқауларға қатысып, тәжірибе жинақтап сабақ алуда. Ірі байқауларға қатысу арқылы шығармашылықтары шыңдала түсетіні сөзсіз.
