Шығыс Қазақстан облыстық Қазақ драма театрының актерлері Елдос Мәсәлім мен Шалқар Арыстанбеков бүгін, яғни 2 ақпан күні жергілікті Алтай арнасының білікті журналисі Мирас Құмарғалиевтың мәдени, рухани сауалдарына жауап беріп, өздерінің шығармашылықтарымен таныстырды.
Үнемі кезекті қойылымның сөзін жаттау, берілген кейіпкерді танып-білу, оны өзінен өткізіп көрерменге жеткізу үшін – актерлер қауымы көп толғаныстан өтетіні шындық. Сол үшін де актер өмірі қызық пен қиыншылықтан тұрады.
Республикалық фестивальдың жүлдегері – Елдос әуелете ән салып, Шалқар қоңыр үнімен тебірене өлең оқып көрермендермен жүздесіп, халық алдында театр өнерінің қыр – сырымен бөлісті.