Шығыс Қазақстан облысы мәдениет, архивтер және құжаттама басқармасының, Шығыс Қазақстан облыстық драма театрында, ағымдағы жылдың 23 қарашасы күні облыстық драма театрының директоры қызметін атқарған, Мемлекеттік «Дарын» жастар сыйлығының лауреаты ақын, режиссер Рүстем Есдәулетовтің өмірден өткеніне он жыл толуына байланысты «Еске алу кеші» өтті.
Аталған кеш, марқұмға құран бағыштап, ас берілген соң, театр фоесінде «БОЛМАШЫҒА ҰЛЫМАС КӨКБӨРІ ЕДІМ» атты ақынның өлеңдерінен жинақталған театрландырылған композициямен басталып, сағ. 17.00 – де режиссердің соңғы сахналаған «Атымды адам қойған соң» тәжірибелік қойылымымен театрдың үлкен сахнасында жалғасты.
Кеште ҚР Еңбек сіңірген қайраткері, Мемлекеттік сыйлықтың лауреаты, Қазақстан жазушылар одағының төрағасы Ұ.Есдәулет, ҚР Мәдениет және спорт Министрлігінің «Мәдениет қайраткері» Бағдат Есдәулетова, жары Маржан Есдәулетова мен балалары болды. Марқұмды еске алуға жақын туыстары, достары сондай-ақ, БАҚ өкілдері мен жақын туыстары және достары келді.