Сахналық сымбат үшін

Шығыс Қазақстан облыстық драма театрының әртістері Ресей мемлекеттік өнер институтының актерлік және режиссура факультеті деканының орынбасары Игорь Качаевтың шеберлік сыныбында сахна қозғалысының жаңа дағдыларын игерді.

Айта кету керек, бұл бірегей тренинг Дынмухамет Ұябайдың жетекшілігіндегі Шығыс Қазақстан драма театрының шетелдегі орыс театрлар қауымдастығымен және «Балтық үйі» театр-фестивалімен (Санкт-Петербург) тығыз ынтымақтастығының арқасында мүмкін болды. Ресейдің пластика бойынша ең үздік режиссерлердің бірі Игорь Качаев әртістер үшін шеберлік сағатын тегін өткізді.

Сахна қозғалысы бойынша шеберлік сыныбы «Театр шеберханалары» жобасы аясында ұйымдастырылды. Осы жылы білім беру бағдарламасына Қазақстанның барлық ұжымдарынан Шығыс Қазақстан драма театры ғана қатысты.

«Менің мақсатым – әртістердің санасын өзгерту, олардың физикалық бітімін, кәсіби деңгейін жоғары ұстауға үйрету», – деді Игорь Качаев.

Үш күн бойы әртістер сахнада құлау, соққылар, заттармен жұмыс, этикет стиліндегі мінез-құлық сияқты техникалардың барлық түрлерін жетілдірді.

«Тренинг барысында алған білім жас және ересек әртістерге жаттығу алаңдарында және сахнада күнделікті тынымсыз жұмыстарда пайдалы болады», – дейді театр директоры Дынмухамет Ұябай.

  • 2019 04 22 00005
  • 2019 04 22 00008
  • 2019 04 23 00003
  • 2019 04 23 00007
  • 2019 04 23 00010
  • 2019 04 24 00001
  • 2019 04 24 00002
  • 2019 04 24 00004
  • 2019 04 24 00006
  • 2019 04 24 00009
  • 2019 04 22 00005
  • 2019 04 22 00008
  • 2019 04 23 00003
  • 2019 04 23 00007
  • 2019 04 23 00010
  • 2019 04 24 00001
  • 2019 04 24 00002
  • 2019 04 24 00004
  • 2019 04 24 00006
  • 2019 04 24 00009